الديرمارولر والديرما بن عبارة عن ادوات فيها فيما يقارب ٥٠٠ ابره ولها مقاسات مختلفه
والحلو انه نقدر نستخدمه في البيت والنتائج ممتازه جداً ومفيدة.. نقدر نستخدم الاداة للويه والعنق او الجسم او فروة الراس ولازم نختار الطول المناسب للابرة حسب المشكله الي عندنا
.
الفرق بين الديرمارولر والديرما بن:
الاثنين تقريبا نفس الشي لكن الديرما بن هو الاحدث والابر اتكون ارفع شوي وبالتالي الالم يكون شوي اقل من الديرمارولر.
الديرمابن جهاز كهربائي يعمل بالذبذبات لما اتشغلينه
نقدر انغير راس الديرمابن بعد كل استخدام.
الديرمابن فيه جميع المقاسات نتحكم فيه من الجهاز نفسه بحيث انخليه اطول او اقصر حسب الحاجة
لكن كنتائج هم الاثنين نفس الشي ما في فرق .
.
فوائد الديرمارولر والديرما بن:
تعطي البشرة نضارة وحيوية ونعوومه
تخفف من التجاعيد والخطوط الدقيقة وتشدها
تخفف من الندبات والحفر الي موجوده في البشرة
تخفف السيلولايت وعلامات التمدد في الجسم
اتعالج مشاكل تساقط الشعر وتحفز نمو الشعر
اتصغر واتسكر المسامات
تحفيز انتاج الكولاجين .
.
التعقيم:
(الديرمارولر)
انيب ماي مغلي وديتول نخلطهم مع بعض في وعاء زجاجي ونحط الديرمارولر فيه لمدة ١٠ دقايق والافضل انه انعقمه قبل وبعد الاستخدام.. تقدرون تعقمونه بمحلول الايثانول بنفس الطريقه.
وانتبهو لا تستخدمون وعاء معدني او بلاستيك لانه بيتفاعل معاهم
.
(الديرمابن )
نقدر انعقمه بنفس الطريقه لكن لازم نتخلص من الراس بعد ٣ الى ٤ استخدامات ونبدله
.
طريقة الاستخدام :
اول خطوه نغسل المنطقة بطريقه جيدة ونعقم المنطقة باستخدام الكحول ( ما يناسب البشرة الجافة) او باستخدام بيتادين الخاص للبشرة. وبعدها نبدا انمرر الاداة على البشرة على شكل + يعني افقي ١٠ مرات وعمودي ١٠ مرات وبعدها على شكل x نفس الشي ١٠ مرات.. بتلاحظين انه البشرة تبدا تحمر وبعد ما تخلصين حطي اي سيروم تبين فيتامين سي او الهيالورونك اسيد او اي شي ثاني حسب المشكله الي عندج
.
اختيار المقاسات المناسبة:
يفضل انكم تبدون بالمقاس الصغير (0.5مل) لين ما تتعودون على استخدامه.
لمنطقة الشعر نستخدم الاحجام الصغيره لانه الفروه حساسه المقاسات المناسبة (0.2مل / 0.25مل / 0.5مل)
الخطوط الدقيقة حولين العين (0.5مل / 0.75مل)
للتجاعيد والمسامات واثار الحبوب والندبات والتصبغات (0.75مل / 1مل / 1.5مل)
للسيلولايت وعلامات التمدد في الجسم (1.5مل / 2مل / 2.5مل) .
.
موانع الاستخدام:
قبل الاستخدام لازم تتاكدون انه بشرتكم خالية من الحبوب او الجروح او التهابات ..ولا ولا تتعرضون للشمس بعد الاستخدام الافضل اتسونه قبل النوم. ويمنع استخدامه لمرضى السكر